السلام عليكم
بصراحه من فتره وانا ادور طريقه تحضير الكابتشينو الايطالي مب اي كابتشينو
مثل هالصوره
حاولت اسوي طريقه وهي اني ايب ملعقه وحده من قهوه نستله في كوب فارغ بدون اي اضافات واضيف عليه ملعقتين سكر
* ملعقه او خاشوقه ماي حار ( يعني حسوه وحده بس )
* اخلط المقادير بسرعه جنونيه لين تتيبس ايدك ويصير اللون من بني الى ابيض
* بعدين اضيف اليه شويه او ربع كوب حليب حار ( ابوقوس) مع الخلط المتكرر..
* ونصب الماي الحار بطريقه عموديه الى راسيه يعني افقي عشان قطرات الماي تسوي الرغوه
* وآخر شي والى هي اهم خطوه اييب الملعقه يعني الخاشوقه واحط مقدار خفيف من قهوه نستله وارش الكابتشينو مثل الزينه لين ما تصير حبات النستله شويصارت سوده وعقب اسوي بالملعقه الرسمه الي اياها صوره شمس او اكتب اسمي او صوره ورد على كيفكم ..
وبالهنا والعافيه ...
هذي طريقتي واحسها طريقتي مب صحيحه لاني انا بروحي اطور في الخلطه
وابا منكم الطريقه الصحيحه عشان اعلم الطباخه عندنا خاصه في رمضان و مستنى الردووووود