معلومات عن عمر دياب

عمرو دياب بقاله فتره _ مش قليله _ كل مواضيع أغنيه بتقتصر على مشاكل الحب
الحب بكل أنواعه : فراق _ عذاب _ محبه _ رجوع _ نسيان

هى دى كل القصص اللى عمرو دياب بقاله فتره بيغنيها ، مع أختلاف زوايا الأغانى دى فى كل ألبوم
يعنى فى فعلا قصص بتكون جديده ، بس فى الأول وفى الأخر هى كلها قصص أو مشاكل عاطفيه


المفروض إن عمرو دياب هوه المتحدث عن كل الشباب
ودوره لايقل عن دور أى بطل سينمائى ، وليكن الراحل أحمد زكى
أحمد زكى كان بيعبر بأفلامه عن كل المشاكل اللى ممكن تواجه الشباب
مشاكل عاطفيه ، إقتصاديه ، إجتماعيه .... أحمد زكى ممثل
عمرو دياب برضو المفروض هوه كمان يعالج المشاكل دى فى شكل أغانى

ماهو أى أغنيه عباره حاله بتمس صاحبها
والمشاكل اللى بنمر بيها حاليا كلها حالات تستلزم من عمرو دياب إنه يعبر عنها

لإن مش كل مشاكل الحياه هى مشاكل عاطفيه ،، فى مشاكل تانيه كتير كلنا محتاجين اللى يعبرلنا عنها

أنا مش بقصد نوعيه الأغانى اللى بتعاتب فى الدنيا والزمن ، وأغانى مصطفى كامل المعروفه دى
لأ ، فى أغانى تانيه ممكن عمرو دياب يغنيها ، وده بيحصل مع مطربين كتير عالميين
تلاقيهم بيغنوا للسما ، وللزرع ، وممكن فى كمان للبطاله .... مشاكل كتير موجوده فى بلدهم